Humbi vajzën në moshën 17-vjeçare, drejtori i Vllaznisë: Zoti e deshi atë për vete!

Një ngjarje e rëndë është regjistruar ditën e sotme ku drejtori i Vllazisë, Alban Hasani ka humbur vajzën në moshën 17-vjeçare.

Vajza e drejtorit kishte bërë një ndërhyrje, ku anestezia i kishte shkaktuar alergji. 17-vjeçarja nuk ka mundur të përballojë diçka të tillë dhe ka humbur betejën me jetën.

Lajmin e ka bërë të ditur klubi i Vllaznisë ku nëpërmjet një postimi i shpreh ngushëllime familjarëve.

Gjithashtu në lidhje me ngjarjen ka reaguar edhe Hasani i cili ka falënderuar ata të cilët i janë gjendur pranë në këtë moment të vështirë për të dhe familjen e tij.

“Zoti e paska shkruar që Vesa të largohet nga ne shumë para kohe, megjithatë në emrin tim dhe të familjes sime, dua të falenderoj të gjithë personelin e Spitalit Rajonal Shkodër, në veçanti reanimatorët dhe infermierët për përkujdesjen e treguar. Faleminderit për gjithçka që bëtë për vajzën tonë, por Zoti mesa duket e deshi atë për vete”, është shprehur Hasani.