Rama: Jam i kënaqur që me mençuri Kosova pranoi draftin për Asociacionin
Kryeministri Edi Rama ka komentuar takimet dje në Bruksel të dy palëve, Kosovës dhe Serbisë me kancelarin gjerman, presidentin francez dhe kryeministren italiane. Kreu i qeverisë shqiptare nuk e përmend Albin Kurtin, por shprehet se është i kënaqur që lidershipi i Kosovës pranoi draftin e Asociacionit që u propozua pak ditë më parë në Prishtinë. Tani i bën thirrje që të njëjtën gjë ta bëjë edhe Serbia.
“Urtësia e popullit shqiptarë, dhe jo vetëm e tij në fakt, mëson se “më mirë vonë se sa kurrë”. Nuk mund ta fsheh kënaqësinë time që udhëheqja e Kosovës më në fund bëri gjënë e duhur në takimin e djeshëm të Brukselit! Duke pranuar me mençuri propozimin e BE-së më 21 tetor Kosova sot ndodhet në një pozitë shumë më të mirë. Ky është një hap shumë i rëndësishëm përpara.
Takimet në Bruksel, Kurti: Vuçiç refuzoi marrëveshjen, kërkoi t’i pranohet një letër anësore
Është koha kritike që Serbia të bëjë të njëjtën gjë. Çdo gjë e pranuar dhe dakordësuar deri tani duhet të zbatohet pa vonese. U bëj thirrje partnerëve tanë perëndimorë që të mbajnë këtë momentum dhe të shtyjnë palët drejt zgjidhjes përfundimtare.
Vuçiç pas takimeve në Bruksel: Serbia s’mund ta pranojë pavarësinë dhe anëtarësimin e Kosovës në OKB
Mjaft më duke parë gishtin teksa gishti tregon hënën. Mjaft më me të njëjtat muhabete të vjetra dhe të rrezikshme. Mjaft më me shmangien e paqes dhe ushqimin e fantazma të së kaluarës për hir të vogëlsisë së politikës së brendshme.
Borrell: S’ka marrëveshje mes Kosovës e Serbisë, palët kishin parakushte
Shikoni jo shumë larg nga këtu se çfarë u ndodh atyre që i shmangen paqes dhe angazhohen në lojëra “o të gjitha o asgjë”. Ne kemi nevojë për paqe, stabilitet dhe bashkëpunim në këtë lagje të Europës. Bëni paqe dhe shikoni përpara!” shkruan Rama.
The wise Albanian people, and not only them, by the way, say “better later than never.” I can’t hide my satisfaction that Kosova’s leadership finally made the right call in yesterday’s Brussels meeting! Kosova is in a much better place today by wisely accepting the EU proposal on…
— Edi Rama (@ediramaal) October 27, 2023
