Kurti: Vuçiç me shkresa anësore po i sulmon Marrëveshjen Bazike dhe Planin e Sekuencimit
Kryeministri i Kosovës, Albin Kurti, në një konferencë për media pas mbledhjes së qeverisë ka folur për deklaratat e presidentit të Serbisë dhe ato të vetat sa i përket marrëveshjeve të arritura në Bruksel e Ohër.
Kurti ka thënë se Serbia tashmë përmes shkresave shtesë po e sulmon edhe zyrtarisht dhe formalisht marrëveshjen bazike dhe aneksin.
Ai ka shtuar se mbrëmë e ka marrë vesh që Vuçiç tashmë po kërcënon dhe po i përmbush këto kërcënime duke thënë se Serbia s’e njeh Kosovën, që Serbia është kundër anëtarësimit në OKB dhe që Serbia se njeh integritetin territorial të Kosovës.
Kurti ka thënë se pika e tretë për integritetin territorial është një shtesë dhe sulm ndaj integritetit territorial të Kosovës.
Ai shton se Rusia pikërisht para se ta sulmonte Ukrainën kishte thënë se nuk e njeh integritetin territorial të Ukrainës.
“Serbia gjithmonë insiston që të dërgojë letra anësore, shkresa shtesë të cilat praktikisht e sulmojnë zyrtarisht dhe formalisht marrëveshjen bazike dhe aneksin.
Mbrëmë morëm vesh që Vucic kërcënon dhe përmbush kërcënimet me këso letra që thonë tri gjëra, Serbia se njeh Kosovën, është kundër anëtarësimit në OKB dhe nuk e pranon integritetin territorial të Kosovës. Kjo e treta është një shtesë.
Është tendencë për sulm ndaj Kosovës, deklaratë e tillë e papërgjegjshme, se integritetit territorial është I papranueshëm.
Pikërisht federate ruse thoshte se s’e pranon integritetin territorial të Ukrainës. Kosova më 24 shtator ka përjetuar cenim te integritetit territorial.
Kemi kërcënime nga Brukseli nga presidenti i Serbisë se s’mund ta pranojë integritetin territorial.
Me ato deklarata e ka shkelur marrëveshja bazike, duke sulmuar integritetin territorial të vendit tonë,” ka thënë Kurti./Gazeta Express
