A do i futet politikës? Vajza e Berishës: Kjo është e vërteta për Lul Bashën
Argita Malltezi, vajza e Sali Berishës u pyet mbrëmjen e sotme nga gazetarët në TCH edhe për Lulzim Bashën dhe versionin si u fut në politikë.
“Nuk e kam sjellë unë në politikë. Kjo është gënjeshtër. Në 2005-ën ai ka pasur një ofertë tjetër politike.
Ka qenë rrethi im shoqëror, kjo është e vërtetë dhe mua më ka kërkuar vetëm një gjë që të takonte Sali Berishën.
Për këtë e kam ndihmuar, por unë nuk e dija për çfarë ai donte që ta takonte Berishën.
Unë nuk sugjeroja njerëz tek Berisha sepse nuk kam dashur kurrë që t’i jap kosto Berishës me njerëzit që do t’i sugjeroja unë.
A më ka zhgënjyer Basha? Kjo është pyetje retorike” tha Argita duke mohuar në fund se mund ti futet politikës aktive.
