70 gazetarë nga gjithë Europa në Shqipëri
Shoqata e Gazetarëve Europian, vendosi që këtë vit të organizonte Asamblenë e përgjithshme në Shqipëri, në qytetin e Vlorës. Nga datat 25 tetor deri në 29, 70 gazetarë të ardhur nga 20 vende të ndryshme europiane përfshirë dhe nga SHBA, u njohën me kulturën dhe traditat e veçanta të Shqipërisë.
Gjatë qëndrimit të tyre, një ndalesë e rëndësishme ishte në qytetin e Fierit dhe në zonën turistike të Apolonisë, ku gazetarët u njohën me historinë e pasur dhe antike të Shqipërisë.
Berati ishte një qytet ku gazetarët u njohën nga afër me kulturën e jashtëzakonshme dhe historinë e Shqipërisë në 2000 vite, me shenja historike nga lashtësia ende në ditët e sotme.
Një pjesë e rëndësishme e kësaj asambleje shkoi për organizimin e ardhshëm të votimeve për president, nënpresident dhe sekretar të përgjithshëm të AEJ që do të organizohet në një tjetër shtet europian.
Gjithashtu u organizua edhe konferenca e madhe në Universitetin e Vlorës me të ftuar specialë, disidentin rus Ilya Ponomarev i kërkuar nga regjimi gjakatar i Vladimir Putin.
Drejtuesi i shoqatës së gazetarëve Europian dega Shqipëri Arbër Hitaj, tha se organizimi i një eventi të tillë ishte një sfidë e vërtetë, por pavarësisht kësaj përbën një gur më shumë në ndërtimin e një gazetarie cilësore dhe europianë në Shqipëri.
