Shisnin drogë në Lezhë e Shëngjin, në pranga dy të rinjtë

Një 20-vjeçar me inicialet E. P., dhe një 24-vjeçar me inicialet E. D., janë arrestuar në Lezhë, pasi shisnin drogë në zonën e Shëngjinit dhe në qytetin e Lezhës.

20-vjeçarit gjatë kontrollit fizik, iu gjetën sasi lënde narkotike cannabis sativa, e ndarë në doza të gatshme për shitje, si dhe 2 grirëse të kësaj lënde.

Ndërsa, 24-vjeçarit, banues në Tiranë, pasi gjatë kontrolleve fizike dhe në automjetin ku ishte pasagjer, iu gjet dhe iu sekuestrua në cilësinë e provës materiale, një sasi lënde narkotike cannabis sativa, e ndarë në doza të gatshme për shitje.

Materialet procedurale i kaluan Prokurorisë pranë Gjykatës së Lezhës, për veprime të mëtejshme”, njofton policia.