Një person i dyshimtë tek Kuvendi! “Ngrihet në këmbë” policia në Tiranë
Në kushtet e kaosit brenda Parlamentit në seancën e sotme, një person ka ndaluar përpara Kryesisë së Kuvendit duke qëndruar për disa minuta në këmbë. Lëvizjet e tij kanë ngjallur dyshime te polici.
Garda e republikës ka njoftuar një patrullë të policisë, e cila i është afruar duke i kërkuar mjetin e identitetit dhe e pyeti se përse po qëndronte përballë Kryesisë.
“Më datë 02.11.2023, rreth orës 12:45, është marrë njoftim se në afërsi të Kryesisë së Kuvendit, është konstatuar një shtetas, i cili përbënte shqetësim për qytetarët.
Shërbimet e Policisë kanë kaluar në vendngjarje dhe kanë marrë kontakt me shtetasin F. B., 41 vjeç, dyshohet me probleme të shëndetit mendor, të cilin e kanë këshilluar të largohet dhe më pas është larguar pa probleme” njofton policia.
