Emigrantët/ Meloni publikon reagimin e Ramës: Përgjigje efektive!
Kryeministrja italiane, Giorgia Meloni ka reaguar në lidhje me përpjekjet e të majtës italiane për të përjashtuar kryeministrin Edi Rama nga Partitë Socialiste Europane, për shkak të marrëveshjes për emigrantët.
Meloni ka publikuar videon e Ramës ku shpreh reagimin e tij në lidhje me kërkesën e së majtës italiane.
Ajo e ka cilësuar përgjigje të duhur atë të Ramës, ku thotë se marrëveshja nuk ka të bëjë me të majtën apo të djathtën, por është e duhura për të mbështetur Italinë në këto momente, për menaxhimin e flukseve të migrantëve.
“E majta italiane po kërkon të përjashtojë kryeministrin shqiptar, Edi Rama nga Partitë Socialiste Europiane për marrëveshjen që firmosi me Italinë për emigrantët. Dëgjoni përgjigjen e tij efektive,” shkruan Meloni në platformën “X”.
La sinistra italiana sta cercando di espellere il Primo Ministro d’Albania, Edi Rama, dal partito socialista europeo per l’accordo con l’Italia sui migranti.
Sentite la sua efficace risposta. pic.twitter.com/3WaCubx0XT— Giorgia Meloni (@GiorgiaMeloni) November 10, 2023
