VIDEO/ Shkatërrohet banda shqiptare, dhjetëra të arrestuar, kapet droga me vlerë 32 mln euro
Autoritetet italiane kanë shkatërruar një bandë shqiptare të trafikut të drogës, duke arrestuar dhjetëra persona dhe sekuestruar kokainë dhe heroinë me vlerë 32 milionë euro.
Operacioni ka nisur në orët e para të mëngjesit të sotëm, ndërsa raportohet se janë dhënë 19 masa sigurie dhe janë arrestuar 17 persona.
Sipas mediave në Itali, banda shqiptare i kishte bazat e saj në zonën e Venecias, por kishte shtrirë tentakulat në shumë rajone.
Prokuroria sekuestroi 420 kg drogë me vlerë 32 milionë euro dhe 1 mln euro cash.
Rreth 100 agjentë kryen kontrolle në provincat Treviso, Venecia, Monza dhe Ravenna. Organizata kriminale dërgoi kokainë, heroinë, hashash dhe marihuanë jo vetëm në Veneto dhe Lombardi, por edhe në Pulia, Emilia Romagna dhe Toscana.
