Çmendet Dua Lipa? Bën publik numrin e telefonit: Më shkruani

Këngëtarja shqiptare me famë botërore Dua Lipa, me anë të një postimi në platformat X dhe Instagram ka publikuar numrin e saj të telefonit.

Në postimin e saj këngëtarja ka lënë numrin e saj të telefonit e shoqëruar dhe me tekstin “më shkruani” dhe një puthje.

Në fillim u mendua se profili i saj ishte “hakuar” por mendohet se kjo është një nismë dhe formë e re e artistes për të afruar gjithnjë e më shumë ndjekësit me muzikën e saj.

Fansat e Duas mund t’i dërgojnë mesazh përmes WhatsApp për t’iu bashkuar komunitetit të Dua Lipës dhe për të mësuar më shumë për yllin e tyre të preferuar.

Kur dikush dërgon mesazhe në numrin që këngëtarja ka postuar, ata marrin një përgjigje të automatizuar duke i mirëpritur në komunitet.

“Hej, mirë se erdhe në komunitetin Dua Lipa, ne jemi të ngazëllyer për atë që do të vijë”, – shkruhet në mesazhin e automatizuar.

Dua Lipa përflitet ende se i ka dhënë fund lidhjes së saj me regjisorin e njohur Romain Gravas, pasi këngëtarja kërkon të përkushtohet më shumë në karrierën e saj.

Zërat thonë se ajo tashmë ka nisur një romancë të re me këngëtarin dhe tekstshkruesin Omar Apollo.