“Doktor, mblidhi zagarët”, reagon ashpër deputetja demokrate

Deputetja e Partisë Demokratike, Flutura Açka mori pjesë në votimin e buxhetit të vitit të ardhshëm. Ajo dha votën e saj kundër.

Pjesëmarrja e saj në votim si edhe e disa deputetëve të tjerë është kritikuar ashpër nga mbështetësit e Sali Berishës.

Deputetja si pasojë ka reaguar në rrjetet sociale duke dhënë  qartazi arsyet pse ajo mori pjesë.

“Doktor, mblidhi zagarët!

Unë votoj siç më dikton ndërgjegjja ime dhe siç ma ndien sentimenti politik, të cilin, veç Zotit, nuk ka kush fuqi ta urdhërojë.

Ky shqetësim i madh që ju paska zënë, më thotë se kam vepruar drejt. Unë jam deputete, jo çamarroke, e Parlamentit shqiptar. Kam fjalën dhe votën për sjelljen time politike.

Unë nuk e votoj këtë qeveri të korruptuar deri në palcë, as me heshtje, as me kinse, por me karton të kuq”, shkruan Açka në rrjetet sociale.