Kualifikohen Aston Villa, PAOK dhe Fiorentina, Muçi dhe Legia në play-off
Në Conference League u luajtën disa nga sfidat e para të kësaj të enjte, ato të orës 18:45.
Tanimë skuadrat kanë mësuar se cilat do jenë pjesë e fazës së 1/8 dhe ato që do ndeshen në play-off e 1/16 me vendet e treta të klubeve të renditura në këtë pozicion në Europa League.
Rezultatet në fushë tregojnë se më tej për në fazën e 1/8 kalojnë Aston Villa, Fiorentina, PAOK dhe Ludogorets.
Ndërsa në play-off e 1/16 do luajnë Legia e Varshavës, Ferencvaros, Frankfurt dhe Fenerbahce.
Legia fitoi 2-0 ndaj AZ Alkmaar dhe merr vendin e dytë në grupin E.
Në fushë për vendasit për 87 minuta ishte edhe Ernest Muçi, me sulmuesin e Kombëtares që bëri një paraqitje të mirë dhe humbi një rast të pastër për shënim.
Golat për polakët u shënuan nga Ribeiro në pjesën e parë dhe Kramer në të dytën. Nga ky grup Aston Villa kalon në 1/8 dhe Legia në play-off e 1/16.
