Si u fut arma dhe si ndodhi vrasja në burgun e Peqinit? Ish-drejtori flet te “5Pyetjet.al”
Një ngjarje e rëndë ka ndodhur në burgun e Peqinit. Një i burgosur ka ndërruar jetë, ndërsa një tjetër ka mbetur i plagosur me armë zjarri pas të shtënave brenda burgut.
Drejtoria e Përgjithshme e Burgjeve ka dhënë njoftimin paraprak duke thënë se për shkak të një konflikti mes tre të dënuarve me burgim të përjetshëm, ku është qëlluar edhe me armë zjarri, kanë mbetur të plagosur dy prej tyre, njëri prej të cilëve ka ndërruar jetë.
Sokol Mjacaj, i dënuar me burgim të përjetshëm për vrasjen e dy turistëve çekë, ngjarje e ndodhur në korrik 2015 në zonën e Dukagjinit, në Shkodër, ka qëlluar më armë zjarri pistoletë të dënuarin Arben Lleshi, i cili ka ndërruar jetë, ndërsa ka mbetur i plagosur Indrit Shaqja.
Por si ka ndodhur ngjarja, si u fut arma dhe kush është e shkuara e viktimave? Për të gjitha këto “5Pyetjet.al” zhvilloi një bisedë në “Skype” me ish-drejtorin e Burgjeve, Arjan Hoxha. Më poshtë intervista e plotë.
