Qazim Laçi mes “më të mirëve” të UEFA Europa League

Qazim Laçi shkëlqeu në ndeshjen e fundit të fazës së grupeve të Europa League mes Sparta Prague dhe Aris Limassol. Që u fitua 1-3 nga ekipi i tij. Futbollisi i Kombëtares dha një asist gjatë sfidës, ndërkohë që u shpall dhe lojtari më i mirë i ndeshjes.

Performanca fantastike, në fushën e blertë, e “legjionarit” të Komëtares sonë ka bërë që ai të përfshihet në formacionin më të mirë të raundit të gjashtë të grupeve, të kompeticioni të dytë më të rëndësishëm për klube, në Evropë.

Laçi është vlerësuar me notën 9.09, duke qenë i pesti lojtar me notën më të lartë nga formacioni i më të mirëve. Një vlerësim i jashtëzakonshëm ky për “luftëtarin” dibran, i cili po shkëlqen gjithnjë e më shumë te kampionët në fuqi të Çekisë.