Aksidenti i garave me makina në Prizren, ja sa mund të dënohen autorët?

Mbrëmjen e të shtunës një aksident ndodhi në Prizren ku si pasojë e garave me makina humbën jetën 3 këmbësorë.

A. S., dhe I. H., janë dy personat e dyshuar për aksidentin tragjik në garën automobilistike mbrëmjen e 16 dhjetorit, në Autostradën ‘Ibrahim Rugova’ .

Sipas Kodit Penal thuhet se aksidentet rrugore që sjellin vdekjen e një ose më shumë personave dënohet minimalisht me 3 vite dhe maksimalisht me 12 vite.

Ditën e sotme prokuroria e Prizrenit ka kërkuar paraburgim për të arrestuarit të cilët janë të dyshuar për këtë ngjarje.