Maroku kthen në Shqipëri vrasësin e biznesmenit Ardian Nikulaj

Nga Maroku është aprovuar kërkesa për ekstradimin e Ruben Saraivës drejt Shqipërisë, personi i cili vrau biznesmenin Ardian Nikulajn në prill të këtij viti në Shëngjin.

Pas vrasjes Ruben Saraiva u arratis nga Shqipëria, ndërkohë që pas disa javësh ai u kap në Marok, dhe tani pritet ekstradimi i tij drejt vendit tonë ku do ti caktohet dënimi.

“Sundimi i ligjit vijon të godasë mbi këdo dhe pandërshkueshmëria do të marrë fund. Askush nuk do të mund t’i fshihet. Falë mbështetjes së Interpol, marrëdhënia me të cilët ka hyrë në një fazë të re, si dhe bashkëpunimit me agjencitë  ligjzbatuese të Marokut, jemi bërë me dije se është pranuar kërkesa jonë për ekstradimin drejt Shqipërisë të shtetasit Ruben Ribeiro Saraiva, person i kërkuar nga drejtësia shqiptare si i dyshuar për një krim të rëndë. Policia e Shtetit do të realizojë së shpejti ekstradimin e tij në Shqipëri.’- njofton policia.