Shakira bëhet statujë në Kolumbi, ja si duket
Vendlindja e Shakirës, Barranquilla e nderoi atë me një statujë të gjatë 6 metra. Artistja Yino Márques e krijoi atë për lëvizjen e saj më të njohur të kërcimit nga videoklipi i vitit 2005 për “Hips Don’t Lie”.
Këngëtarja ka postuar fillimisht foto të prindërve të saj, duke pozuar e buzëqeshur para saj. “Më bën të lumtur ta ndaj këtë me prindërit e mi dhe veçanërisht me nënën time në ditëlindjen e saj”, ka shkruar ajo fillimisht.
Ajo gjithashtu ka postuar foto të familjes së saj me kryebashkiakun e zonës dhe për përkushtimin që i kanë bërë, ka theksuar: “Është shumë për zemrën time të vogël”.
