6 gishta në një dorë?! Kim Kardashian dështon sërish në ‘photoshop’
Familja Kardashian është e famshme për ‘reality show’, paratë e tyre, skandalet, stilin e jetës së tyre luksoze, por edhe photoshop-in e keq .
Të gjitha motrat, në radhë të parë Kim Kardashian, po ndryshojnë vazhdimisht fotot që postojnë në rrjetet sociale, vetëm se këtë herë gjërat dolën edhe më keq.
Në një nga fotot e saj të festës së Krishtlindjes, biznesmenja është fotografuar me vajzën e saj, por në foto i shfaqej edhe një gisht i dytë në dorë. Në një vështrim të parë, 43-vjeçarja mund të shihet duke shtrënguar duart ndërsa buzëqesh përkrah North West në postimin në Instagram të shpërndarë të martën.
Ndjekësit e saj, megjithatë, u përpoqën të analizonin çdo detaj dhe vunë re se fotografia kishte një gabim në përpunim. “Pse i keni dy gishtat e mëdhenj në foto?” një fans e pyeti në seksionin e komenteve, ndërsa një tjetër shtoi: “Ne të gjithë e dimë se Kim është e famshme për redaktim”.
Kardashian nuk i është përgjigjur publikisht akuzave, por sigurisht nuk është hera e parë që ajo akuzohet për editim të keq të fotove të saj. Megjithatë, ajo që vazhdon të shkaktojë kuriozitet tek fansat e saj është se si ndodhin kaq shumë gabime të dukshme në photoshop. Të tjerë nuk habiten pse dikush do të donte të redaktonte gishtat në dorë, ndërsa disa besojnë se ajo po e bën qëllimisht për të shpërndarë fotot e saj në media.
