Selena Gomez do tërhiqet nga muzika, për cilën arsye?

Edhe pse është një nga këngëtaret më të talentuara të brezit të saj, me miliona fansa në të gjithë botën, Selena Gomez duket se po mendon tërheqjen nga muzika. Këtë e ka bërë të ditur vetë artistja në podcast-in “Smartless”, aty ku u shpreh se ka edhe “një tjetër album”, para se t’i japë fund me muzikën.

Selena Gomez zbuloi së fundmi se po synon të fokusohet më shumë në karrierën e saj të aktrimit dhe të tërhiqet nga muzika pas albumit të ardhshëm.

“Fillova të argëtohesha shumë me muzikën dhe më pas turneu ishte vërtet argëtues. Por unë isha duke bërë shfaqjen time televizive [Wizards of Waverly Place] në të njëjtën kohë dhe thjesht e pashë atë shumë argëtuese, kështu që thjesht vazhdova. Por sa më shumë rritem, aq më shumë më pëlqen. Do doja të kisha sërish një shfaqje. Ndjehem sikur kam një album më shumë brenda vetes, por ndoshta do të zgjidhja aktrimin. Dua të qetësohem sepse jam e lodhur”, tha 31-vjeçarja.

Selena publikoi albumin e saj më të fundit Revelación në 2021, i cili u parapri nga regjistrimet e saj solo Rare (2020), Revival (2015) dhe Stars Dance (2013).

Megjithatë, ajo nisi karrierën e saj si aktore në Barney në 2002. Dhe ndërsa ajo është e njohur më së shumti për rolin e saj të parë në Wizards of Waverly Place gjatë ditëve të saj në Disney Channel, është puna e saj në Only Murders in the Building që i kanë sjellë dy nominime për Emmy.