FOTO/ Tifozët e Interit nderojnë Murinjon, “Special One” i përshëndet me dorë në zemër

7 May, 2023

7 May, 2023

Dashuria mes tifozëve të Interit dhe trajnerit Zhoze Murinjo nuk ka përfunduar ende, pavarësisht se trajneri portugez është pjesë e skuadrës së Romës. Së fundmi, kjo gjë u treguar edhe një herë tjetër në ndeshjen Roma-Inter në “Olimpico”.

Në fillim të ndeshjes, tifozët e Interit kanë duartrokitur dhe kanë thirrur në kor emrin e Murinjos, duke treguar dashurinë e tyre karshi trajnerit. Ky i fundit, nuk ka ngurruar që t’iu kthejë një përgjigje, duke i përshëndetur me dorë.

“Special One” është kthyer nga tifozët e Interit dhe me dorën në zemër, i ka përshëndetur të gjithë. Në fakt, kjo nuk është hera e parë që ndodh diçka e tillë pasi pak kohë më parë, në “San Siro” tifozët zikaltër hapnin edhe pankarta me emrin e tij.

PANORAMASPORT.AL