Anulohet sërish mbledhja e Komisionit të Reformës Zgjedhore, Gjiknuri: Na vjen keq
Mbledhja e Komisionit të Reformës Zgjedhore nuk nisi as këtë të martë, pasi deputetët e opozitës bllokuan sallën dhe nuk lejuan kolegët e mazhorancës të hyjnë brenda.
Ata arritën të “çajnë” bllokadën e Gardës, duke zënë karriget në sallë. Gazment Bardhi, Flamur Noka, Saimir Korreshi, Luan Boçi dhe Albana Vokshi, iu drejtuan në tone të larta Gardës, duke i thonë “Hapeni rrugën”.
Ndërkohë, Flamur Noka dhe Damian Gjiknuri u përplasën me njëri-tjetrin, pasi ky i fundit nuk u lejua të futej në sallë.
Mazhoranca po diskuton por zhvillimin e mbledhjes online, por ende nuk ka një orar dhe as njoftim.
Ndërkohë, në 13:40, një grup deputetësh demokratë kanë njoftuar se do të dalin me një deklaratë në hyrje të Kryesisë.
