Hapen hetime për telefonatën e Inzaghi-t dhe gjestin e Acerbi-t në ndeshjen ndaj Romës

Prokuroria Federale ka vendosur të hapë një çështje për telefonatën e famshme drejt skuadrës nga i skualifikuari Simone Inzaghi në fund të pjesës së parë të Roma-Inter. Në fillim, nisur edhe nga sqarimi i menjëhershëm i zëvendësteknikut Farris, prokurori Giuseppe Chinè kishte menduar të mos procedonte.

Megjithatë, raportimet e shumta në shtyp (që sistemi i drejtësisë sportive i mban parasysh si pikënisje për nisjen e një hetimi) e shtynë atë të hetojë më tej.

Në dritën e asaj që ndodhi të shtunën e kaluar në “Olimpico”, me deklaratat e Bastonit për telefonatën e trajnerit të pezulluar dhe mohimin e Farris, i cili nënvizoi se ishte stafi teknik ai që veproi si ndërmjetës midis Inzaghit dhe lojtarëve, është shtysa drejt këtij hetimi.

Në fakt, do të jetë e vështirë të sigurohet prova për telefonatën e ndaluar. Megjithatë, sot Chinè do të dëgjojë personat e përfshirë, nga Bastoni tek Inzaghi, në kërkim të konfirmimeve të mundshme dhe elementëve të rinj provues.

Është konfirmuar hapja e hetimit edhe për “gishtin e mesit” të Acerbit drejtuar tifozëve verdhekuq në tribunë. Sot duhet të dëgjohet edhe mbrojtësi i zikaltërve për veprimin e tij të ndaluar.

()