Parandalohet krimi në familje/ 46-vjeçari dhunoi vëllanë dhe kunatën! I kërcënoi për vdekje me sëpatë
Një ngjarje kriminale në familje është parandaluar në qytetin e Tiranës, ku në pranga ra një 46-vjeçar.
46-vjeçari F. H pasditen e djeshme, në rrugën “Mark Bajraktari”, ka ushtruar dhunë ndaj vëllait dhe bashkëshortes së vëllait të tij, si dhe i ka kanosur ata me sëpatë. Është dashur ndërhyrja e policisë që ta neutralizonin dhe të shpëtonin familjarët e tij.
Sëpata u sekuestrua në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
AlbaniaWeb.net
