“Më 14 maj bashkë bëjmë ndryshimin”, Igli Cara me qytetarët: Qyteti je ti, që zgjohesh çdo ditë herët në mëngjes dhe kthehesh vonë, pasi ke zgjedhur të jetosh ndershëm

DURRËS

Kandidati i koalicionit “Bashkë Fitojmë” për kryetar të Bashkisë së Durrësit Igli Cara ka vijuar takimet me qytetarët durrsakë në çdo lagje e zonë.

Cara shkruan se më 14 maj bashkë bëjmë ndryshimin duke iu drejtuar çdo qytetari të tij se qyteti është ai vetë që ka zgjedhur të jetojë ndershëm.

“Qyteti je ti, që zgjohesh çdo ditë herët në mëngjes dhe kthehesh vonë në mbrëmje në shtëpi, pasi ke zgjedhur të jetosh ndershëm, duke u përballur me vështirësi të panumërta!
Qyteti je ti, që shpreson e beson se bashkë mund t’ia dalim; se ndryshimi është zgjedhja jonë e përbashkët për familjen, për Durrësin, për të ardhmen!
Më 14 Maj bashkë bëjmë ndryshimin!
Qyteti je ti!”, shkruan Cara.