Rey Manaj kap Icardi-n, “bomberi” mahnit Turqinë, tani kërcënon edhe Dzeko-n (VIDEO)

Rey Manaj nuk di të ndalet. “Bomberi” kuqezi vijon momentin e tij fantastik, aq sa tashmë është kthyer në një idhull për tifozët e Sivasspor, të cilët i dedikuan dhe një banderolë gjigande në shkallët e stadiumit. Në sfidën e fundit, kundër Pendikspor, Manaj gjeti sërish rrugën e rrjetës duke shënuar golin e tretë për Sivasspor, në suksesin 4-1.

Me një veprim fantastik personal, Manaj realizoi golin e 14 në Superligën turke. Sulmuesi kuqezi futet në valle për të fituar “Këpucën e Artë” teksa barazoi Mauro Icardi-n, ndërsa ndodhet katër gola larg Edin Dzeko-s, sulmuesit më të mirë deri në këtë pikë të sezonit.

18 gola ka realizuar Rey Manaj me fanellën e Sivasspor këtë sezon duke qenë golashënuesi më i mirë i ekipit turk. Me këto ritme, është e pashmangshme që Manaj të mos ftohet nga Sylvinho, të paktën për testet miqësore që kuqezinjtë do të zhvillojnë në muajt mars dhe qershor. Për momentin, Manaj është legjionari më në formë në radhët e përfaqësueses shqiptare.

()