VIDEO/ Gjysmëfinale pa histori në Ligën e Kampionëve, Interi shkëlqen në “shtëpinë e djallit”

10 May, 2023

10 May, 2023

Interi ka mposhtur Milanin me rezultatin 0-2 në aktin e parë gjysmëfinal të euroderbit të Milanos. Një duel pa shumë histori, i dominuar nga ziklatrit e Inzagit, që arritën të shkëlqenin në “shtëpinë e djallit”, duke shënuar 2 gola për 3 minuta, teksa shtangën milanistët pa u mbyllur minuta e 11-të e sfidës.

Dominim absolut i Interit në pjesën e parë, që i shkoi shumë pranë edhe goleadës, teksa Çalhanoglu dhe Lautaro provuan të linin gjurmën e tyre.

Pavarësisht disavantazhit prej 2 golave, kuqezinjtë e Milanit, provuan të reagonin, por pa sukses. Në fund një festë e gjitha legjitime për Interi që ka hedhur një hap të sigurt drejt finales. Dueli i kthimit mes këtyre dy ekipeve do të luhet pas 6 ditësh, ku zikaltrit do të jenë pritës në “San Siro”.   

FT MILAN-INTER 0-2

Xheko 8′ ,  Mkhitarjan 11′ 

KOMENTI LIVE: 

Mbyllet sfida! 

90′ Akordohen 4 minuta shtesë!

82′ Dy zëvendësime te Milani, largohen Kalabria dhe Diaz, në fushë Kalulu dhe Pobega.

78′ Dy zëvendësime te Interi, largohen Lautaro dhe Çalhanoglu, në fushë Korrea dhe Galjardini.

74′ Bastoni rrëzohet brenda zonës, pas duelin me Kruniç, zikaltrit kërtojnë karton të kuq për mesfushorin dhe penallti, por për gjyqtarin gjithçka e rregullt!

70′ Zëvendësim te Interi, largohet Xheko për Lukakun dhe Dimarko për De Vraj.

68′ Provon edhe Açerbi me një predhë nga distanca, por tentativa e tij shkon drejt e në duart e Menja.

66′ Tomori ndëshkohet me karton të verdhë për ndërhyrje të gabuar ndaj Xhekos.

63′ Momenti më i mirë i Milanit, shtylla i mohon golin Tonalit. Topi devijohet fillimisht nga Bastoni. Shpëtojnë për mrekulli zikaltrit.

62′ Zëvendësim te Interi, largohet Mkhitarjan, vendin e tij e merr Brozoviç.

59′ Pioli kryen dy zëvendësimi largohen Kjaer dhe Salemakers, në fushë Çau dhe Orixhi.

53′ Shans ideal edhe për Interin me Xhekon, që i vetëm në afërsi të pikës së penalltisë, është ndalur nga Menja, me francezin që bën heroin, duke larguar rrezikun në këndore.

51′ Tjetër rast i rrezikshëm për Milanin, Mesias sfumon një shans të artë duke gabuar brenda zonës. Edhe pse i vetëm përballë Onanës, mesfushori nuk ka shënjestrën e duhur.

49′ Milani lëshon shkëndijën e parë të rrezikshme me Brahim Diaz, tentativa e tij shkon ngjitur me shtyllën.

46′ Starton pjesa e dytë!

Mbyllet pjesa e parë! 

45+1′ Ndëshkohet edhe Mkhitarjan për ndërhyrje të gabuar në mesfushë.

45+1′ Kruniç ndëshkohet me karton të verdhë për protesta.

45′ Akordohen 4 minuta shtesë.

44′ Shumë pak i rrezikshëm Milani në këto minuta, kuqezinjtë e Piolit nuk kanë arritur ende të regjistrojnë një gjuajtje në kuadrat.

34′ Dominim i frikshëm i Interit që nuk heq dorë nga sulmet e rrezikshme, provon me Lauataro Martinez, por topi shkon jashtë kuadrat.

31′ Akordohet penallti për Interin, e fiton Lautaro Martinez, pas ndëhyrjes së Kjaer ndaj Lautaro Martinez. Por pas konsultës me VAR-in, gjyqtari anulon penalltinë. 

24′ Sërish rrezikshëm Interi, kësaj here ishte Xheko që provoi, tentativa e tij shkon jashtë kuadratit.

18′ Zëvendësim i detyruar te Milani, largohet Benaser i dëmtuar, vendin e tij e merr Mesias.

15′ Tronditet shtylla e Milani, ishte Çalhanoglu që lëshoi një predhë, por fati ishte me kuqezinjtë në këto minuta. Topi më pas shkoi te Mkhitarjan që i vetëm brenda zonës, ka gjuajtur, por u ndal nga Menja. Dominim i frikshëm i Interit që “flirton” me golin e tretë.

11′ GOOOL 0-2/ Dy gola për 3 minuta, fantastik zikaltrit! Aksion model i finalizuar me sukses nga Mkhitarjan. Armeni pas asistit të Dimarkos, nuk fali brenda zonës duke goditur saktë, teksa mposhti portierin Menja. 

8′ GOOOL 0-1/ Zhbllokohet euroderbi. Xheko gjen rrugën e rrjetës. Pas një harkimi nga këndi i Çalhanoglu, boshnjaku fiton duelin me Kalabrain dhe gedet saktë! 

7′ Goditjen e parë nga këndi e fiton Interi, pas harkimit të Dimarkos, topi devijohet dhe shkon jashtë kuadratit.

5′ Tension dhe presion mbi lojtarët, gabime të shumta nga të dyja skuadrat në mesin e fushës. Ende asnjë rast i rrezikshëm në portat respektive.

2′ Ndeshja nis me duele të shumta në mesfushë, teksa faullin e parë e fiton Dumfris, pas ndërhyrjes së gabuar të Teo Hernandez.

1′ Starton euroderbi! Atmosferë elektrizuese në “San Siro”.

FORMACIONET ZYRTARE

Milan: Menja, Kalabria, Kjaer, Tomori, Teo hernandez, Kruniç, Tonali, Benaser, Salemakers, Brahim Diaz, Zhiru.
Trajner: S. Pioli

Inter: Onana, Darmian, Açerbi, Bastoni,  Dumfris, Dimarko, Barela, Çalhanollu, Mkhitarjan, Xheko, Lautaro Martinez.
Trajner: S. Inzagi

PANORAMASPORT.AL