Miku i Princit habit me deklaratën: Nuk i shihja kurrë bashkë me vajzën

Andi Llabuti, ish-fotograf i oborrit mbretëror dhe mik i princ Leka Zogut tha se çifti mbretëror kanë qenë shumë të ftohtë me njëri-tjetrin kohët e fundit.

Ai tha për “Good Morning Albanians” se i ka njohur si çift që prej 2016 dhe mes tyre nuk ka pasur kurrë kimi megjithatë krisja më e madhe mes çiftit ka ndodhur tre vite më parë, pas lindjes së vajzës së tyre, Geraldinë.

Ai tha se kurrë nuk i shikonte të dy bashkë, apo të tre bashkë, me vajzën e vogël.

“Krisja në çiftin mbretëror, ka gati tre vite. Gati fiks pas lindjes së vajzës. Kjo të lë të dyshosh pse pikërisht pas lindjes së vajzës. Nuk mund t’i shikoja asnjëherë të dy bashkë apo të tre bashkë me vajzën.

Mundoheshim të mbulonim ato “bëmat” e brendshme. Thoshim Elia është në këtë aktivitet, princi është në këtë aktivitet. Princi është tip i qetë, është tip që jep shumë për të tjerët. Duke e njohur princin prej shumë kohësh, sado ai përpiqej të jepte ngrohtësi, e tradhtonte fytyra”,-tha ai.