Operacioni gjatë natës/ Tre të arrestuar me Fredi Belerin, njëri prej tyre përfundon në spital. Zbardhet dëshmia e kandidatit të “BF”: S’kam lidhje me…

Zbardhen të tjera detaje në lidhje me arrestimin e kandidatit të ‘Bashkë Fitojmë’ për bashkinë e Himarës, Fredi Beleri, i cili akuzohet për blerje votash.

Gazetari Enrik Mehmeti raportoi në një lidhje live për News24 se Beleri është arrestuar pak pas mesnate para lokalit të tij bashkë me 3 persona të tjerë, avokati, dhe përfaqësues të shtabit elektoral. Siç u pa dhe nga video ku tregohej momenti i arrestimit, forca të shumta policie morën pjesë në prangosjen e tij, që u bë me urdhër të SPAK.

Gazetari Mehmeti, duke iu referuar burimeve policore, Beleri dhe të tjerët, kanë mohuar që të jenë përfshirë në shkelje të tilla, si blerja e votave.

Ndërkohë, mësohet se një prej të arrestuarve është ndjerë keq gjatë arrestimit, pasi vuante nga problemet e zemrës. Ndaj është dashur që të ndërhyjë një ambulancë për dërgimin e tij në spital. Duke marrë shkas nga tensionet e së shkuarës në këtë bashki, Beleri dhe personat e tjerë të arrestuar janë shoqëruar në drejtorinë e Policisë së Vlorës. Raportohet se në komisariatin e Himarës kanë qëndruar përgjatë gjithë natës mbështes të Belerit.

(BalkanWeb)