Zhdukja e dy shokëve në Sarandë, i afërmi: I hapëm kamerat privatisht dhe…
Sipas pamjeve të kamerave të sigurisë, kjo është makina në të cilën është parë për herë të fundit Fatmir Sulovari.
E njëjta makinë që është përdorur edhe në vendosjen e tritolit në banesën e një ndërtuesi po në Sarandë. Kjo ngjarje ka ndodhur në 5 dhjetor të 2022.
Sasia e tritolit është vendosur në banesën e Lefter Lefterit alias Afëz Kulla. Ky person ka qenë punonjës në administratë më herët, ndërkohë që është denoncuar për një ndërtim pa leje.
Policia beson që Theodhori edhe Sulovari janë marrë fillimisht me mirëbesim në makinë, pasi Sulovari që ndodhet në vendin e parë, duket i qetë në pamjet filmike që janë siguruar.
“Serioziteti i një shteti tani me kamerat na thoshin këtë kamer se kemi ne e ka bashkia, shkonim te bashkia e ka policia, kjo kamer spunon në fakt të gjitha kamerat punonin se ne i hapëm të gjitha privatisht dhe në shumë kamera i janë dhënë materiale policisë nga ato që kemi marrë ne. Tani po pyes se cilës polici mund ti rrëfehesh”, u shpreh Altin Gjini, shoku i Fatmir Krasniqit.
“Nuk duhet të çuditemi që për 30 e ca vjet policia në nivelin vendor pësoi ndryshime, lëvizje të shpeshta lirim rimarrje dhe një pjesë e mirë e punonjësve për të mbijetuar mbështetën kokën te krimi“, u shpreh Bajram Yzeiraj.
Zbardhja e një krimi, konsiderohet e kryer nëse zbulon jo vetëm autorin, por edhe motivin. A mund të ishte motiv konflikti për shitjen e tokës në Çukë, për të cilën siç zbulohet, Koçolja dhe shoku i tij bashkëpronar nuk kishin as dokumente të rregullta…? Ajo që I mungon kësaj piste është fakti se nuk është identifikuar personi që mund të ketë bërë një pagesë.
AlbaniaWeb.net
