Veprimet e Përditshme që Mund të Nxisin Ndjesinë e Ankthit

Në ditët e sotme çrregullimet e ankthit janë bërë mjaft të zakonshme.

Edhe nëse nuk keni një çrregullim ankthi, padyshim që keni shqetësime për rrethana të caktuara si për shembull një prezantim i rëndësishëm në punë etj.

Por nëse jeni duke përjetuar ndjenja nervozizmi ose shqetësimi pa ndonjë arsye të dukshme, një nga këta shkaktarë mund të jenë fajtori.

AgroWeb.org ju njeh me disa nga veprimet e zakonshme mund të shkaktojnë ankth.

Keni pirë shumë kafe

Sipas një studimi ku AgroWeb.org mbëtetet, tejkalimi i konsumit të kafesë ka treguar se shkakton simptoma që vështirë të dallohen nga një çrregullim ankthi.

Megjithatë në këtë rast ai nuk konsiderohet të jetë çrregullim i mirfilltë ankthi.

Konsumi i tepërt i alkoolit

Alkooli i tepërt është një nga shkaktarët kryesorë të ankthit, pasi mund të ndikojë në tru dhe t’ju bëjë më të ndjeshëm ndaj këtyre çrregullimeve.

Përdorimi i tepruar i alkoolit me kalimin e kohës mund të dëmtojë trurin, duke shkaktuar probleme me humorin dhe aftësinë njohëse.

Ndërsa në afat të shkurtër, përdorimi i tepërt i alkoolit mund të shkaktojë rikthim të ankthit.

Jeni duke marrë ilaçe të caktuara

Nëse jeni të sëmurë dhe pyesni veten: “Pse ndihem i shqetësuar?” mos kërkoni më larg se ilaçet pa recetë në komodinën tuaj.

Jeni të etur

Sipas disa hulumtimeve ku AgroWeb.org bazohet edhe një dehidrimi i lehtë mund të shkaktojë shqetësime në humor.

Prandaj është e rëndësishme të qëndroni të hidratuar gjatë gjithë ditës.

Sheqeri në gjak është i ulët

Njerëzit që janë nën stres dhe kanë ankth shpesh shprehen se oreksi i tyre ndërpritet.

Anashkalimi i vakteve çon në një rënie të sheqerit në gjak, gjë që shton më tepër ndjenjën e ankthit duke krijuar një rreth vicioz.

Regjimi juaj ushqimor është i pabalancuar

Studimet kanë treguar se regjimet ushqimore me mungesë të mishit të viçit, derrit, pulës, zarzavateve, frutave, arrorëve dhe vezëve mund të çojnë në depresion.

Dhe njerëzit që papritmas nuk i konsumojnë më këto ushqime mund të ndihen të shqetësuar dhe të irrituar.

Nuk ndaheni prej rrjeteve sociale

Facebook dhe Instagram mund të jenë argëtues, por qëndrimi për një kohë të gjatë në rrjetet sociale mund të bëhet një burim i ankthit.

Nga studimet e kryera rezulton se shumica e përdoruesve të rrjeteve sociale e krahasojnë vetën me të tjerët dhe kjo krijon pakënaqëesi dhe mund të çojë edhe në depresion.

Po kaloni shumë kohë të mbyllur në shtëpi

Të kaloni pak kohë në natyrë mund të rrisë energjinë tuaj fizike dhe mendore, ndërsa kalimi i kohës brenda ka efektin e kundërt.

Plus, rrezet e diellit ju japin vitaminë D, e cila në bazë të studimeve ju mbron nga depresioni.

Nuk flini mjaftueshëm

Stresi dhe ankthi mund të shkaktojnë probleme me gjumin, por mungesa e gjumit mund të shkaktojë gjithashtu ankth.

Nëse pagjumësia bëhet kronike, kjo mund të rrisë rrezikun e një personi për të zhvilluar depresion ose çrregullime ankthi./AgroWeb.org