Përmbysje e çmendur në shtesë, Cole Palmer “gjunjëzon” United

Vendasit ishin autorë të një përmbysje të jashtëzakonshme në minutat shtesë të ndeshjes, falë dy golave të Palmer, sulmuesi kishte shënuar edhe një tjetër në pjesën e parë.

Sa i takon sfidës, Chelsea kaloi i para në avantazh me anë të Gallagher që nuk fali brenda zone dhe ndëshkoi portierin Onana. Pas 15-minutash, Chelsea realizoi sërish, këtë herë me Cole Palmer që realizoi nga pika e bardhë e penalltisë. Por, te United nuk kishin ndërmend të dorëzoheshin dhe rihapën ndeshjen me Garnachon në minutën e 34. Argjentinasi realizoi pas shfrytëzoi nga gafë të Caicedos dhe i vetëm përballë portierit Petrovic nuk gaboi.

Vrulli i United u duk se vendosi në presion vendasit që pas pesë minutash pësuan edhe golin e barazimit. Dalot harkoi në zonë dhe aty Bruno Fernandes realizoi me kokë.

Në barazim u mbyllën 45-minutat e para ndërsa në të dytën, të besuarit e trajnerit Erik ten Hag shënuan golin e përmbysjes, sërish me Garnachon në minutën e 67. Këtë herë anësori shfrytëzoi një asist perfekt të Antony duke realizuar me kokë.

Por, në limitet e ndeshjes, Chelsea fitoi një penallti dhe sërish Cole Palmer u shfaq para Onanës duke barazuar sfidën në 3-3. Shfaqja nuk kishte mbaruar me aq, pasi në aksionin pasardhës ish-lojtari i Manchester Cityt, realizoi edhe golin e katërt duke i dhuruar një fitore të madhe Chelseat. Pas kësaj ndeshje, united mbetet me 48 pikë në vend të gjashtë ndërsa Chelsea mban vendin e 10 me 43 pikë./ Super Sport

AlbaniaWeb.net