Kore raciste në derbi ndaj Lukakut dhe Abraham, tifozët e Lazios rrezikojnë shumë

Jo vetëm flamuri anti-Lazio i valëvitur nga Gianluca Mancini pas ndeshjes, por gjatë derbit të kryeqytetit  u pa edhe një tjetër episod, i cili do jetë subjekt i Prokurorisë së FIGC-së.

Në fundjavën kur Federata vendosi të rrisë kontrollet nga inspektorët federalë në emër të zero tolerancës ndaj diskriminimit, nuk munguan thirrjet raciste nga Curva Nord e Lazios. Sipas asaj që shkruajnë mediat, bëhet fjalë për tre raste të frazave me bazë raciste ndajLukakut dhe Abrahamit.

Instancat përkatëse po përgatisin sanksionin e mundshëm, ku nuk përjashtohet mbyllja e një sektorit të tifozërisë së Lazios. Mbështetësit e lacialëve janë akuzuar së fundmi nga Juventusi për thirrjet ndaj McKennie në ndeshjen e fundit të Kupës së Italisë, edhe pse Prokuroria nuk gjeti asnjë imazh apo audio për atë episod.

(J.S/)