Ambasadori i BE-së, Gonzato: Mbështesim institucionet e reja të drejtësisë! Puna e tyre, çelësi për çrrënjosjen e korrupsionit nga Shqipëria
Ambasadori i Bashkimit Europian në Tiranë, Silvio Gonzato, ka shprehur mbështetjen për institucionet drejtësisë, duke theksuar se puna e tyre është ‘çelësi për çrrënjosjen e korrupsionit nga Shqipëria’.
Në një reagim në rrjetin “X”, ambasadori i BE shkruan se integrimi në BE varet shumë nga kontributi i institucioneve të drejtësisë.
“Ne mbështesim plotësisht institucionet e reja të drejtësisë dhe reformën në drejtësi të vitit 2016, e cila u mundësoi atyre të japin drejtësi për qytetarët. Puna e tyre është çelësi për çrrënjosjen e korrupsionit nga Shqipëria. Në komitetin drejtues të projektit #EU4Justice, theksova se integrimi në BE varet shumë nga kontributi i tyre.
Dhënia në kohë, efektive dhe transparente e drejtësisë është çelësi për rikthimin e besimit të qytetarëve tek institucionet. BE do të qëndrojë në krah të Shqipërisë në arritjen e këtij objektivi”, shkruan ambasadori në “X”.
We fully support the new justice institutions and the 2016 Justice reform, which enabled them to deliver justice to citizens. Their work is key to eradicating corruption from Albania. At the steering committee of the #EU4Justice project, I emphasized that EU integration … 1/2 pic.twitter.com/PV4ltwKByI
— Silvio Gonzato (@EUAmbAL) April 22, 2024
AlbaniaWeb.net
