Çmenduritë e Artetës nuk kanë fund, pasi qenit e ka radhën një pemë… ulliri

20 May, 2023

20 May, 2023

Titulli kampion i këtij sezoni mund të mbetet shumë gjatë në mendjen e Mikel Artetës dhe të gjithë tifozëve të Arsenalit. “Topçinjtë” e humbën titullin vetëm në muajin e fundit dhe për trajnerin e Arsenalit, qetësia e munguar te futbollistët ka ndikuar.

Dy ditë më parë, ai prezantoi një qen si afrimin më të ri në klub por si duket, nuk mjafton. Ditën e djeshme, Arteta ka marrë edhe një pemë ulliri dhe e ka mbjellë pranë kompleksit ku skuadra stërvitet, duke kërkuar nga ta që të kujdesen sepse nëse pema ka rrënjë të forta, atëherë do të rritet e sigurt duke iu dhënë në këtë mënyrë edhe një mesazh.

“Është shumë e fortë, por ka nevojë për shumë kujdes. Ne duhet të kujdesemi për rrënjët çdo ditë, të sigurohemi që ato të mos helmohen, të mos dëmtohen dhe të mbeten në gjendjen e duhur”, u shpreh Arteta për pemën.

PANORAMASPORT.AL