E rëndë në Itali/ Debati në familjen shqiptare kthehet në tragjedi, burri plagos me thikë të shoqen pas sherrit

Një tjetër ngjarje e rëndë në një familje shqiptare ka ndodhur në Itali, pasi një 42-vjeçare është plagosur rëndë nga i shoqi pas një debati.

Sipas mediave itlaiane ngjarja ka ndodhur mbrëmjen e djeshme në shtëpinë e tyre, ndërsa pas plagosjes me thikë burri është arratisur nga banesa edhe pse u arrestua vetëm pak më vonë nga autoritetet.

Gruaja raportohet se ndodhet në spital në gjendje të rëndë pasi ka marrë 3 plagë me thikë në gjoks dhe ka pësuar dëmtim në mushkëri.

Sakaq, burri 54-vjeçar është arrestuar dhe ndodhet në paraburgim teksa autoritetet italiane kryejnë hetimet.