Dorëheqja e Alibeajt/ Gazetari: Ke qenë edhe ti i afërt me Bashën. Noka: Rama të keqpërdor, të shtrydh e të flak. Basha po synon rikthimin

Flamur Noka i ftuar në emisionin “Open” në News24 ka folur mes të tjerash edhe në lidhje me dorëheqjen e Enkelejd Alibeaj nga detyra e kryetarit të komanduar të PD.

Noka u shpreh se Alibeaj e përmbushi qëllimin e tij dhe pasi u përdor nga kryeministri Edi Rama u flak tej.

Ai ka shtuar se Lulzim Basha synon tashmë rikthimin në krye të PD dhe po punon për arritjen e një synimi të tillë, pas kuintave.

Pjesë nga diskutimi në studio:

Flamur Noka: Rama ka treguar një gjë, këdo që blen e përdor e keqpërdor, e shtydh dhe e hedh.
Do vijë një moment që do e hedhë dikë. Alibeaj e mbaroi misionin. Rama zakonisht i ka një përdorimësh, jo shumë përdorimësh

Agim Baçi: A i duhet tani Gaz Bardhi? Kur ke qenë bashkëpunëtori afërt i Bashës, nuk e kuptonit që e përdori Rama? Ju desh rrahët Bardh Kadillin kur kandidadoi.

Flamur Noka: kam kërkuar ndjesë. debatin për prishjen e marrëveshjes së 5 qershorit duhet ta bëja publik, por të ruajtur kohezionin e partisë nuk e bëra. Në mbledhjet e fundit pas shpalljes së Berishës non grata këto kanë qenë.
Basha është kapur me dosjen Nik Muzin dhe është keqpërdorur e hedhur. Prapa kuintave sërish po lëviz Basha. Ka ëndrrën. E përdori PD si dyqan, e dha me qira e tani mendon rikthimin.

(BalkanWeb)