Al Khelaifi i fiksuar pas Yamal, ofron një shifër të çmendur, thyen rekordin e Neymar

Lamine Yamal është kthyer në kryefjalën e këtij Evropiani, një super talent që po mahnit Evropën pavarësisht se nuk ka mbushur ende 17 vjeç. Barcelona ka në dorë një xhevahir të vërtetë, por drejtuesit e klubit blaugrana nuk kanë ndërmend të heqin dorë prej tij pavarësisht se ofertat që vijnë janë të pabesueshme.

Sipas Mundo Deportivo-s, PSG ka bërë një ofertë zyrtare për talentin spanjoll, janë të gatshëm të investojnë 250 milionë për të siguruar kartonin e tij, një ofertë që do të thyente edhe rekordin e vendosur nga francezët për transferimin e Neymar(222 mln euro).

Pavarësisht kësaj oferte të “çmendur”, drejtuesit e Barcelonës kanë kthyer një përgjigje të prerë: Yamal është i pashitshëm.

()