VIDEO/ Kaos dhe dhunë në tribuna, Nunez në versionin ultras, përleshet fizikisht me tifozët e Kolumbisë

Kolumbia preu një biletë për në finalen e madhe të Kupës së Amerikës, pas suksesit minimal 0-1 ndaj Uruguajit. Në Bank of America Stadium (Charlotte, NC), përveç asaj çka prodhoi fusha e lojës, pas ndeshjes u vu re një episod aspak i përshtatshëm.

Përleshjet më shkallët e stadiumit krijuan një situatë kaotike, teksa kamerat fokusuan momentin kur ylli uruguajan, Darëin Nunez u shndërrua në një ultras, teksa filloi të godiste tifozët kundërshtarë.

Pamjet kanë marrë shpërndarje të gjerë, ndërsa mediat theksojnë se arsyeja e konfrontimit ka të bëjë me ngacmimin e familjarëve të Nunezit nga disa mbështetës të Kolumbisë.

(J.S/)