Pas arrestimit për vozitje në gjendje të dehur,ja çfarë i ndodh Justin Timberlake-ut

Policia në fshatin bregdetar Sag Harbor arrestoi Timberlake më 18 qershor pasi ata thanë se ai kishte kaluar një semafor të kuq, kishte dalë nga korsia e tij dhe kishte dalë nga BMW-ja e tij duke kundërmuar nga aroma e alkoolit, shkruan The Guardian.

Sakaq të premten Justin Timberlake bëri një paraqitje virtuale në gjyq për çështjen e tij të ngasjes në gjendje të dehur në Long Island, duke thënë pak gjatë procedimit të shkurtër, ndërsa gjyqtari pranoi deklaratën e tij si i pafajshëm dhe pezulloi të drejtën e tij për të vozitur në New York.

Avokati i tij, Edward Burke Jr, ka pohuar se Timberlake nuk ishte i dehur dhe se çështja duhet të mbyllet.
“Faktet mbeten se ai nuk ishte i dehur”, tha Burke të premten, sipas Newsday. “Do ta them sërish: Justin Timberlake nuk ishte i dehur, dhe jemi shumë të sigurt se akuza, ajo akuzë penale, do të pushohet”.

Gjyqtari i fshatit Sag Harbor, Carl Irace, pezulloi lejen e ngasjes të Timberlake nga shteti i Tennessee në shtetin e New Yorkut dhe kërcënoi të vendosë një urdhër për ndalimin e komenteve për Burke, duke thënë se komentet e avokatit ndaj mediave ishin të papërshtatshme.

Irace caktoi datën e ardhshme të gjyqit për 9 gusht.