“Komunikime me bosët e krimit”, Berisha akuzon ministrin: Balla mori në telefon anëtarin e KLP-së për të liruar kriminelin që vuri eksploziv në Shkodër
Ish-kryeministri Sali Berisha ka hedhur sërish akuza ndaj ministrit të Shtetit për Marrëdhëniet me Parlamentin, Taulant Balla.
Sipas Berishës, Balla është i regjistruar në komunikime të shpeshta me bosë kryesorë të organizatave kriminale në Shqipëri dhe jashtë vendit.
Ai ka ndërhyrë për lirimin e personave që i vunë eksplozivin Lul Kullës, sipas kreut të PD, ku ka marrë në telefon anëtarin e KLP-së, Vatë Staka.
“Taulant Balla është i regjistruar në komunikime të shpeshta instensive me bosë kryesorë të organizatave kriminale në Shqipëri dhe jashtë vendit. Një rast tjetër që e implikon atë direkt është ndërhyrja e tij direkte për lirimin e personave që i vunë eksplozivin Lul Kullës.
Taulant Balla ka marrë në telefon anëtarin e KLP-së, Vatë Staka dhe i ka kërkuar të ndërhyjë në Shkodër për lirimin e kriminelëve që i vunë eksplozivin Lulzim Kullës. Dhe Vatë Staka ka zbatuar urdhrin, dhe kriminelët janë lënë të lirë”, tha Berisha.
AlbaniaWeb.net
