“U rrezikua jeta e shoferit”, serbët sulmojnë grupin e xhirimit të News24 e Panorama TV, gazetari: Po raportonim kur disa persona qëlluan me gurë

Një ngjarje e paprecedentë është regjistruar sot në Veri të Kosovës, atje ku qytetarë serbë protestojnë dhe reagojnë dhunshëm, edhe ndaj mediave.

Pak çaste më parë, makina e grupit të xhirimit të News24 dhe Panorama tv, është goditur me një gur, ndërsa është rrezikuar jeta e shoferit të mjetit.

Gazetari Osman Stafa në një lidhje live për News24 tregoi se teksa ishte duke raportuar, një grup të rinjsh, rreth 5 persona, të maskuar, kanë goditur makinën. Ndërkohë, shoferi i mjetit, fatmirësisht nuk ka mbetur i plagosur. Po i njëjti dëmtim ka pasur dhe makina e A2CNN.

(BalkanWeb)