Nuk ka ndëshkuar Messin në këmbim të një fanelle, ish-arbitri e pranon: Po të merrte karton të verdhë, do humbte finalen
Një ish-arbitër ka pranuar se ka favorizuar Lionel Messin, pasi argjentinasi pranoi t’i jepte atij fanellën e ndeshjes.
Në edicionin e vitit 2007 të Copa America, Argjentina po përballej me Meksikën në gjysmëfinale. Messi, së bashku me Gabriel Heinze dhe Juan Roman Riquelme, hynë të gjithë në listën e rezultatit pasi argjentinasit dolën fitues 3-0 për të siguruar një vend në finale.
Messi gjatë ndeshjes mund të ndëshkohej lehtësisht dhe për shkak të grumbullimit të kartonëve të verdhë do të humbiste finalen kundër Brazilit.
Megjithatë, ish-arbitri Carlos Chandia, i cili drejtonte atë ndeshje, zbuloi se e kurseu kartonin e Messit me një kusht.
Siç raportohet nga The Mirror, Chandia tha në ESPN FShow: “Nga askund, Messi ngre një top dhe e prek me dorë, por në mes të fushës. Nuk kishte asnjë shans për gol për skuadrën meksikane apo diçka të tillë. Kështu, i thashë: ‘Ky është një karton i verdhë, por do të të kushtojë fanellën’ dhe nuk ia tregova kartonin e verdhë.
Kishin mbetur edhe dy minuta e gjysmë dhe rezultati ishte 3-0. Duke i treguar atij një karton të verdhë do t’i kishte hequr shansin për të luajtur në finalen e Copa America.
Më dha fanellën në dhomën e zhveshjes më pas. Në fakt, ai donte ta hiqte në fushë dhe unë i thashë: ‘Jo, jo, jo, jo; çoje në dhomën e zhveshjes’. Dhe ai erdhi në dhomën e zhveshjes me fanellën dhe e la atje për mua.”
AlbaniaWeb.net
