Leverkusen-Milan, analiza e ish-sulmuesit të njohur: Duhej të mbyllej barazim
Leverkusen mundi minimalisht 1-0 Milanin, në ndeshjen e vlefshme për Champions League. Në një intervistë të dhënë së fundmi, ish sulmuesi gjerman, Oliver Bierhoff, analizoi takimin.
“Nuk mbeta i pakënaqur nga Milani, sidomos në pjesën e dytë. Në fund mendoj se barazimi ndaj Bayer Leverkusen do të ishte më i drejtë.
Skuadra e Xabi Alonso fitoi Bundesligën e fundit me një diferencë të madhe pikësh dhe barazoi kundër Bayernit në Mynih të shtunën. Cilido do të ketë vështirësi kur të përballet me këtë ekip, i cili e zotëron shumë topin dhe ka lojtarë cilësorë.
Në pjesën e parë, Milani ishte paksa i kujdesshëm dhe i frikësuar. Për mendimin tim duhej ta shfrytëzonte më shumë kundërsulmin, sepse hapësirat ishin aty, edhe pse u detyrua të kishte një qendër graviteti më të ulët se zakonisht. Nga presingu dhe driblimi i kundërshtarit ekzistonte mundësia për të krijuar rreziqe më të mëdha” – tha ai.
