Çfarë ndodhi? Pas 17 vitesh, Rita Ora ndan rrugët me menaxheren e saj
Rita Ora, këngëtarja që e filloi karrierën e saj me ndihmën e Sarah Stennett në vitin 2009, ka ndarë rrugët me menaxheren e saj, e njohur si një nga lideret më të fuqishme të muzikës. Stennett ka kontribuar gjithashtu në ndihmën për krijimin e karrierave të artisteve si Sugababes, Ellie Goulding dhe Jessie J.
Së fundmi, u zbulua se Rita ka nënshkruar në mënyrë të qetë me ‘Range Media Partners’, e cila e përshkruan atë si një “talent të shumëanshëm”. Kjo tregon se këngëtarja shqiptaro-britanike është në kërkim të sfidave të reja, duke u fokusuar në aspekte të ndryshme të karrierës së saj, përveç këngës.
Burime të afërta kanë theksuar se vendimi për të ndarë rrugët erdhi pasi Rita po largohej gjithnjë e më shumë nga muzika, duke e bërë të qartë se drejtime të ndryshme ishin duke u formuar për to.
Një burim tha: “Rita dhe Sarah ndaluan së punuari bashkë rreth një vit më parë. Ka vetëm dashuri dhe respekt mes tyre, por ishte e qartë se rrugët e tyre po shkonin në drejtime të ndryshme”.
Sarah Stennett ka udhëhequr karrierën e Ritës për 17 vjet dhe ka ndihmuar në formimin e saj si yll ndërkombëtar i muzikës. Fokusi i saj ka qenë gjithmonë te artistët britanikë, dhe Rita po e çonte karrierën e saj më larg muzikës.
