Fansi ngjitet në skenë dhe i ndërpret performancën The Weeknd

Koncerti i The Weeknd në Melburn mori një kthesë të papritur të shtunën mbrëma, kur një fans e “sulmoi” këngëtarin në mes të performancës.

Superylli kanadez, 34 vjeç, kishte rreth një orë duke kënduar setin e tij kur një fans, i njohur si “Pyjama Man”, u ngjit në skenë në përpjekje për ta përqafuar.

Pamjet tregojnë The Weeknd, emri i vërtetë Abel Tesfaye, duke u larguar përpara se siguria të ndërhynte me shpejtësi dhe të shoqëronte individin jashtë skenës.

Pavarësisht ndërprerjes, ai vazhdoi kocertin e tij pa incidente të mëtejshme.