Vlerësim maksimal, UEFA cakton arbitrin e Gjeorgji-Shqipëri

Shqipëria do të përballet të hënën me Gjeorgjinë në transfertë, në kuadër të Nations League. UEFA ka vlerësuar në maksimum këtë takim, teksa ka vendosur që arbitër kryesor të jetë holandezi Danny Makkelie.

41-vjeçari do të ketë ndihmën e Hessel Steegstra dhe Jan de Vries, sakaq gjyqtar i katërt do të jetë Allard Lindhout.

Danny Makkelie ka vendosur drejtësi në 5 ndeshje të kampionatit holandez këtë sezon, ndërsa ka qenë gjyqtar edhe në një ndeshje të Champions.

(J.S/)