U rrëzua nga kati i tretë, Liam u përzu nga një hotel tjetër para se të humbte jetën
Liam Payne thuhet se u “përzu” nga një hotel tjetër në Buenos Aires, Argjentinë, para se të ndërronte jetë.
Burimet pohojnë se ylli 31-vjeçar u detyrua të largohej nga Palacio Duhau – Park Hyatt Buenos Aires dhe më pas shkoi në hotelin CasaSur, ku ai u nda nga jeta më 16 tetor.
Një burim i brendshëm i tha revistës People se Payne iu kërkua të largohej nga Palacio Duhau “sepse ai po shqetësonte të ftuarit e tjerë dhe dukej i dehur”.
Pablo Policicchio, drejtori i komunikimit për Ministrinë e Sigurisë së Buenos Aires, pati deklaruar për People se këngëtari “u hodh nga ballkoni” i dhomës së tij të hotelit, teksa një raport paraprak i autopsisë zbuloi se Payne vdiq nga lëndimet e shumta pas rënies, sipas Zyrës së Prokurorisë Kombëtare Penale dhe Korrektuese.
Autoritetet deklaruan se asnjë lëndim nuk sugjeroi se ishte përfshirë ndonjë palë e tretë. Zyra e prokurorit që trajton rastin konfirmoi gjithashtu se një raport toksikologjik është në pritje.
