Gossip Sport/ Ngatërresa epike, fansat e Vinicius “shpërthejnë” ndaj aktores amerikane (FOTO GALERI)
Ndodh edhe kështu… Prej ditësh kanë nisur diskutimet e zjarrta për fituesin e Topit të Artë, nga ana e futbollistit spanjoll Rodri. Tifozët anembanë globit janë të ndarë sa i takon preferencave të tyre, me fansat e Vinicius, që kanë mbetur thellësisht të zhgënjyer nga mosdhënia e çmimit për sulmuesin e Real Madrid.
Sikundër dihet tashme futbollisti i Manchester Cityt, Rodri nuk ka asnjë profil me emrin e tij në rrjetet sociale, ndaj fansat e Vinicius, kanë dashur të zbrazin zemëratën e tyre tek Olivia Rodrigo. Po çfarë lidhje ka Olivia Rodrigo me Rodrin? Asnjë lidhje veç mbiemrit të saj që ngjason me atë të futbollisti spanjoll, gjë e cila çoi në një ngatërresë epike fansat e Vinicius që nisën të komentonin tek fotot e Olivias: Nuk e meriton këtë “Top të Artë”, “I’a ke vjedhur Viniciusit” etj…
Olivia Rodrigo ndërkohë është një showgirl amerikane, e cila njihet si këngëtare dhe aktore në SHBA. Interesante në fakt do të ishte të dinim se si i ka pritur ajo këto komente shpërthyese nga ana e fansave të brazilianit.
