Luiz Ejlli shtrohet në spital, çfarë ndodhi me këngëtarin?
Pas publikimit të disa fotove të tij në spital, Luiz Ejlli ka reaguar përmes një videoje, duke konfirmuar se është në kujdesin e mjekëve, por pa dhënë hollësi për gjendjen e tij shëndetësore. Fituesi i “BBV” siguroi fansat se ndodhet “në duar të sigurta” dhe se shumë shpejt do të jetë në formë të plotë.
“Nesër do jem si kokra e mollës,” tha Luizi me humor, duke shtuar: “Tani mollë ka shumë, por do jem si molla.”
Fansat i uruan shërim të shpejtë Luizit, teksa ky i fundit i përditësoi sot përmes një video tjetër duke thënë se ndihet mirë e se do lërë ambientet e spitalit.
Por, Luizi ende nuk ka treguar se cila ishte arsyeja se përse u shtrua në spital.
