Korçë/ Plagosi me thikë gruan dhe u largua nga vendngjarja, dalin detaje të reja për çiftin Myrtollari

Plagosje në Korçë. 46-vjeçari Aleko Myrtellari ka goditur me thikë bashkëshorten e tij 38-vjeçaren, Marjola Myrtellari.

Uniformat blu bëjnë me dije se 38-vjeçarja ndodhet në spitalin e Korçës në gjendje të rëndë shëndetësore.

Autori, 46-vjeçar është larguar menjëherë, ndërsa autoritetet po punojnë për kapjen e tij. Sakaq grupi hetimor nën drejtimin e Prokurorisë po punon për sqarimin e plotë të rrethanave të ngjarjes.

Çifti Myrtollari jetonin me qira në lagjen nr 10 të qytetit të Korçës.

Sipas informacioneve cifti janë prindër të 3 fëmijëve ndërsa në këtë zonë nuk kishin as 1 muaj që kishin shkuar për të banuar me qera.

Banorët e zonës nuk dinë nëse çifti ka pasur më përpara konflikte apo jo pasi janë banorë të rinj të zonës, ndërsa hetimet e policisë do të zbardhin të gjithë ngjarjen paraprakisht nga grupi hetimor dyshohet për shkaqe xhelozie.

NJOFTIMI:

Korçë/Informacion paraprak

Më datë 04.06.2023, rreth orës 22:00, në lagjen nr.10, Korçë, në banesë shtetasi A. M., rreth 46 vjeç, ka plagosur me mjet të mprehtë (thikë) bashkëshorten e tij shtetasen M. M., rreth 38 vjeçe, e cila ndodhet në spitalin e Korçës, në gjendje të rëndë shëndetësore.

Shërbimet e Policisë menjëherë pas marrjes së njoftimit, kanë shkuar në vendngjarje, kanë rrethuar zonën dhe po vijojnë krehjen e saj. Gjithashtu janë ngritur pika kontrolli me qëllim kapjen e autorit të dyshuar shtetasit A. M., i cili pasi ka plagosur bashkëshorten e tij është larguar nga vendi i ngjarjes.

Grupi hetimor nën drejtimin e Prokurorisë po punon për sqarimin e plotë të rrethanave të ngjarjes.

(BalkanWeb)